Строительствалул компаниярттал договордаву дикIан бюхъайсса хIиллардуМиннал зухьхьун долевой участиялул договорданун (ДДУ) кIанай дуллантIиссар цамур договор (масалдаран, квартира машан ласаврил хIакъиравусса ягу инвестированиялул договор. Амма так долевой участиялул договорданул буруччайссар инсантал строительствалул компаниярттал хIиллардаща, №214 федерал закондалийн бувну.

Зуя тIалав дуллан бюхъайссар къулбас дуван къатри къуртал даврил чIун лахъи дуккан даврил хIакъиравусса рязишиврийгу, амма муний къулбас дуварча, зуща яла къахьунтIиссар тIалав буван чIун лахъи дуккан даврихлу квартиралул багьа чан баву (право на неустойку за просрочку).
ИнформациялуцIунсса ва багьри булаврицIунсса захIматшивуртту
Зухь буслатIиссар договорданий ккаккан къадурсса затругу дикIантIиссар тIий – оьрчIал багъру, хIавзру, чIавахьулттивухсса уку-тукунсса чIалачIин. Рекламалийсса бакIрайн лавсмур ДДУ-луву ккаккан дурну дакъахьурча, чIярумур чIумал биттур къадайссар.
Къулбас дуван хьхьичI ДДУ-лул проектрал копия зухьхьун буллай бакъар, ганищал кIулхьуншиврул.
Цукун ххал уван аьркинссар застройщик
Договорданий къулбас дуван хьхьичI чара бакъа ххал уван аьркинссар къатри дуллалима (застройщик). Ххал бувара юридийсса идара ци бурив. Аьям дуван аьркинссар договор чичин аьркинсса застройщикнал компаниялул цIа. Ххал дувара му идаралул банкротшиврул лишанну «Картотеки арбитражных дел» тIисса сайтрай. Ххал бувара мунил налогирттал буржру бусса ягу бакъасса (ФНС-лул сайтрай).
Судрал иширттал анализ
Ххал дувара застройщикнал судрахун багьсса ишру арбитражрал давурттал картотекалий. ЛичIинува вас-ццах бутлатиссар банкирдал искру ­(кредитру лахъан чIал шаву), Дольщиктал буруччаврил фондрал искру, муниципалитетирттал аьрщи арендалий ласаврил искру бухьурча. Ххал дувара проектрал декларация застройщикнал официалсса сайтрай. Ххал бара компаниялул история: цими объект бувну буссарив, цила чIумал бувну бурив ягу бакъарив. Вих машару интернетравусса рекламарттал рейтингирттайн, ми бигьану ляхъан дуван шайссар.

ХI.Аьдилов