Агьалинал оьрму мюхчан баврил ххуллий Гъумук зий дайдирхьунни проект «Безопасное село». Райондалул бакIчи Зураб Куччаевлул сипталийну Гъумук агьамшиву дусса идарарттай ва дякIичIирттаву бихьлай байбивхьунни видеокамерарду.
Ва агьамсса проект щурущи даврийну чIаланну ларай хьунтIий дур агьалинал мюхчаншиву, къулай хьунтIий бур оьрму. Проектрал кумаграйну чан хьунтIий дур тIулдакъашивуртту. Камерарттал кумаграйну бюхъан тIий бур дайщун дан тIулдакъашивуртту, хьумигу цила чIумал ялун личин дан, цила чIумал хIисав хьун апатIру, ххуллурдайсса тагьарданул ялув бацIан. Камерардал кумаграйхчил бюхъаван тIий бур ххуллурдай хьусса къалмакъаллал хъирив лаян, водительтал низамрайн буцин, ДТП-лул багьана хьума кIул ан. Ва проектрал ккаккан дуллай дур властирдал агьалинахсса аякьа, тасттикь буллай бур райондалий гьарцаннаща оьрму паракьатну бутан бюхъантIишиву. Камерардал лавсмур ххал буллан тIий бур инсаннал оьрмулул ихтиярду дурурччуну.
Зураб Куччаевлул бврчаллагьрай кIицI лавгунни ва агьамсса проект чулийн дуккан дан кабакьу бувсса компания ООО «Элко». «ДакIнийхтуну барчаллагь тIий ура компаниялул хъунама директор Будун Будуновлухь, ва бусравсса меценатнахь, проект щурущи дан ттизаманнул оборудованиягу дуллуну, чIалансса кумаг баврихлу», – увкунни ванал.
Зулайхат Тахакьаева
