Вай гьантрай ЦIуссалакрал райондалийсса Шушиннал шяравасса Раисат Айдиеван дуллунни «Нину-виричу» тIисса бусравсса цIа.
АцIва оьрчIал нину Раисат Айдиевал сайки 30 шин хьуну дур ЦIуминалийсса ЦIуссалакрал райондалул азарханалий акушеркану зий.
«Кулпатрал гьану цIакь бавриву ва оьрчIан лайкьсса тарбия дулавриву бивхьусса захIматрахлу «Нину-виричу» тIисса цIа лайкь дурссар Раисат Айдиевал», – тIий, чивчуну бур Аьрасатнал президент Владимир Путиннул бувсса ХIукмулий.
ХIурмат бусса Раисат!
ЧIа тIий буру вин цIуллушиву, гьарица ишираву тIайлабацIу, оьрчIая тирхханну.
Имара Саидова
