Октябрьданий Гъумучиял школалий хьуссия «Ссуттилсса ярмарка», цувгу сакин бувсса, анжагъ арцу датIинсса бакъассагу, дуклаки оьрчIаву ишбажаранчишиврул бюхъу итххяххан бансса мурадрайгу.
Ярмаркалий дартIсса арцу тIайла дуркссар нитти-буттал аякьалулу бакъасса оьрчIан. ДартIсса арцух, ОьрчIал къатлуву тарбия буллалисса оьрчIан бахшишругу ларсун, сакин дурссар дялахърулул программа, Дякъил Ттаттал ва Марххаладушнил яннардавусса пишакарсса аниматортурайнгу оьвкуну. Шикку оьрчIру чялишну гьуртту хьуна конкурсирттай.
Укунсса журалул мероприятиярттал кабакьу буллалиссар оьрчIру рахIму-цIими буну тарбия бан, вайннаву гражданшиврул бияла чантI учин бан.
Зулайхат Тахакьаева
