ЦIушинал байрандалул гьантрай Гъумучиял детсадирттаву тарбия хъанахъисса мюрщултрансса ссайгъатирттащал увкIун ия Щардал шяраваллил чулухасса райондалул депутат Кьурбан Халидов.

«ЦIушинал байрандалух ­ссавур дакъа ялугьлай, муницIун дархIусса магьлуву куннасса караматирттах яла мюхтажми бикIай детсадирттавун заназисса мюрщулт. ЦIушинал хьунийн вайннах дурсса къулагъасралгу агьамшиву хъуннассар. ­Ссайгъатру бачIаврийну, вайннал дакIру ххари даврицIун, вай итххяххаврингу кабакьу хъанахъиссар. Цинявппагу тарбиячитурал цIания дакIнийхтуну барчаллагь тIий бура Кьурбан Халидовлухь, оьрчIан дурсса тирххандарахлу», – увкунни «Солнышко» детсадрал хъунмур Зулайхат Макьсудовал.

Кьурбан Халидовлулгу кIицI лавгунни ва журалул акциярдайну бюхълай бушиву, чирилул ххуллийсса мурадру бартбигьаврицIун, оьрчIал дакIругу тирх чин дан.
Шиккува кIицI бан, Кьурбан Халидов ЦIушинал нацIусса ссайгъатирттащал увкIун ия цува дуклай ивкIсса Щардал школалийнгу.
«Школа къуртал байхту, ­жущава бюхълай бакъар махъунмай зана хьун. Амма цукунчIав къабучIиссар руцан ритан буттал улклущалсса дахIаву. Хъунмур къулагъасгу дан аьркинссар хъирив нанисса никирах – вари жула ялун бучIантIимур», – увкунни Кьурбан Халидовлул.