ЦIусса шинал байрандалул гьантрай Аьрасатнал ПаччахIлугърал Думалул депутат Мурад ХIажиевлул кумагчитал бувкIун бия Лакрал райондалийн, хасъсса аьралий операциялий Ватандалул мурадру буруччаврил ххуллий чувшиврий жанну дуллуминнал ва хIакьинугу тийх талатиминнал оьрчIан ссайгъатру лавсун.
Райондалул бакIчи Зураб Куччаевлул барчаллагь увкунни депутатнахь аьралийтурал оьрчIах дурсса къулагъасрахлу.
Ванал кIицI лавгунни паччахIлугърал хьхьичIунсса ххуттай дихьлай душиву хасъсса аьралий операциялий Ватандалул мурадру буручлачисса аьралийтурал кулпатирттахсса аякьа. «Буттахъул аьрая зана хьуннин яру личавай ялугьлагьисса оьрчIру мюхтажну буссар властьрал органнал ва жяматрал чулухасса ххишаласса къулагъасрах. Аьралийталгу дакI дарцIуну бикIан аьркинссар цала кулпатру мюхчансса аякьалулу бушиврий», – увкунни ванал.
