Вай гьантрай Ккуллал райондалул бакIчинал бигарду биттур буллалисса Ажуб ХIусманов хьунаавкьунни Ваччиял шяравусса райондалул азарханалул хъунама хIакин Кьурбан Щамхаловлущал.
Ххал дунни гьануцIакул цIу буккан буллалисса азарханалул давуртту ссайн дирну дуссарив. Азарханалул палатарду, кабинетру ва оборудование ххал дурну махъ, Ажуб ХIусмановлул кьимат бивщунни шикку дурсса давурттан.
– Райондалул жяматран ва хъуннасса агьамшиву дусса азархана хъанахъиссар. Умуд бур медициналул зузалтрал шикку дуллалисса давурттугу лавайсса даражалийсса дикIанссар тIисса, – увкунни ванал.
Ажуб ХIусмановлул барчаллагь увкунни ккаккан дурсса чIумуй лавайсса даражалий дурсса давурттахлу.
Имара Саидова
