ДакIнихтуну барча дуллай буру жула хIурмат бусса коллега, «Илчи» кказитрал буккултран ххирасса ва бусравсса, гьунар бусса журналист Зулайхат Тахакьаева бувсса кьини.
Вай гьантрай ванин хьуссар оьрмулул 50 шин! Вайннува 25 шин хъанай дур цила дакIнил язи бувгьусса пишалуха зий. Зулайхатлул Лакку кIанттухссагу, лакку мазрахссагу, культуралухсса дазу-зума дакъасса ччаву ванил аьч дурну дикIайссар кказит буккултрал дакIурдиву личIи-личIисса асарду кьабитайсса макьаларттаву. Журналистътурал ккураннаву Зулайхатлул цIа кIулссар, бусрав-сийлий дуссар. Дагъусттаннал культуралул лайкь хьусса зузала, цимилагу «Мусил барзу» премиялун ва чIявусса Барчаллагьрал чагъардан, наградарттан лайкь хьусса журналистри ва.
Зулайхат, барча ина бувсса кьини! Дулуннав вихьхьун цIуллушиву ва тавпикь вакссава оьрму вания гихунмайгу бутансса. ДакIнин ччикун битаннав винма ххираминнащал ва инава ххираминнащал!
«Илчи» кказитрал коллектив
