ХIакьину, сентябрьданул 29-нний, увссар СВО-лий цалчин Аьрасатнал Виричув хьусса Х1ажимах1аммадов Нурмах1аммад Энгельслул арс. Ванан хьунт1иссия 29 шин. Дурарагу — 29!
Дахьва оьрму байбихьлахьисса ч1умал, щалла дунияллийх ц1а дукканну Аьрасатнал Виричув хьусса, ч1ивисса лакку миллатрая увксса, кьянкьашиврийну ва чувшиврийну бусалдаравун агьсса Нурмах1аммад. Вил ц1а Дагъусттаннал, лакрал ялун нанисса никиран бусравну лич1ант1иссар, вия эбрат ласлай оьрч1ал оьрч1ру хъуни бант1иссар!

Аллагьнал ссавур дулуннав вил ниттихьхьун ва дард дух1ансса ва ц1уллушиву дулуннав цихьхьун цуппа зузисса к1анай Ватан ххирану ва жула цинявгу вирттаврал эбратну дуклаки оьрч1ру тарбия буллан.