Сентябрьданул 21-нний Манасрайсса «Каспий» санаториялий дунияллул халкьуннал дянивсса жагьилтурал динийсса 12-мур форум байбивхьунни.

Ваний гьуртту хьунни кьатIаллил билаятирттаясса ва Аьрасатнал регионнаясса экспертътал. Байбивхьунни форум Аьрасатнал гимнраяту. Терроризмалул ва экстремизмалул профилактика хIисаврайсса ва форум тIитIлатIисса махъ лахълай, Дагъусттаннал ХIукуматрал хъунама Аьбдулмуслим Аьбдулмуслимовлул республикалул бакIчи Сергей Меликовлул цIания барча бунни бавтIцири. КIицI лавгунни личIи-личIисса диннал ва культуралул вакилтурал хIала-гьурттушиву цIакьгу, куртIгу дуллалисса давуну хьунтIишиву форум. Барчаллагь кунни Республикалул Муфтиятрахь, МахIачкъалаллал епархиялухь ва ягьудийнал ккураннал аьмсса идаралухь, динну ва миллатру личIи къабуллай, рувхIанийсса ххуллий дуллалисса давурттахлу.
Форумрал дайдихьу дурну махъ ванал СМИ-лул вакилтурал суаллахьхьун жавабру дуллунни. Форумрал гьанумур мурад жагьилтурал цашиву душиврий чIурчIав дуллай, ванал увкунни:
«Я мазрал, я диндалул жува личIи къабайссару. Дагъусттаннал аьрщарай Совет Союз дунийра цалчинминнавухсса мизит бивкIунтIий Дарбантлив, цайми динналгу тарих лахъисса буну тIий.
Ялунгума жува миллатру чIявусса бушиврул ва динну жура-журасса душиврул цIакьну бувгьуну бикIан аьркинссару. Ци диндалул ухьурчагу, инсан хъинбалартту буллан, ххуймур буллан Заннал ляхъан увмари, жува цинявгу хъинмунил ххуллийхру бачин аьркинсса», – увкунни ванал.

ПатIимат Рамазанова