Сентябрьданул 23-нний Ккуллал райондалул администрациялул къатраву хьунни райондалул идарарттал каялувчитуращалсса ва шяраваллал бакIчитуращалсса совещание.

Райондалул бакIчи Шамил Рамазановлул барчаллагь увкунни Избирательный комиссиялул члентурахь, шяраваллал администрациярттал хъуниминнахь, райондалул мажлисравунсса депутатътал бувчIлачIисса даву лавайсса даражалий даврихлу.
Хъирив райондалул идарартту ва ЖКХ-лул объектру кIинтнил сезондалийн хIадур баврия бувсунни райондалул бакIчинал хъиривчу Ажуб ХIусмановлул.
Райондалул администрациялул документациялул даврил отделданий каялувшиву дуллалисса Юсуп Исякьовлул кIицI лавгунни «Об общих принципах организации местного самоуправления в единой системе публичной власти № 33-ФЗ» тIисса Федерал Закондалул тIалавшиндарайн бувсса, кIанттул цила каялувшиврул органнал Уставравунсса проектру хIадур дан аьркиншиву.

Райондалул финансирттал отделданул хъунама Амучи Кьурбановлул чIурчIав дунни, налогру датIаврийн бувну, райондалул бюджетран хъунмасса кумаг хъанай бушиврий.
Ахирданий Шамил Рамазановлул, ттинин дурсса давурттал хIасиллу дуллай, кIицI лавгунни тамансса иширттаву райондалул ахIвал хьхьичIунмай хьушиву. Совещаниялул гьурттучитурал ххал бивгьунни райондалийсса цIюрувкьусса масъалартту, бунни мюнпатсса маслихIатру.
Шамил Рамазановлул барчаллагь увкунни цинявппагу зузалтрахь.

Имара Саидова