Республикалий багъру бувну къуртал буллай бур. ХIакьинусса кьини Дагъусттаннал багъманчитурал бувну бур 690 гектарданийсса багъру, миннувату 185,5 гектарданий бувну бур интенсивсса журалул багъру.

Сергокъалаллал райондалул хозяйствардаву бувну бур 83 гектарданийсса багъру, Шамиллал райондалул хозяйствардал 0, 57 гектарданий, МахIарамккантуллал райондалул хозяйствардал – 50 гектарданийсса ва Гергебиллал райондалул хозяйствардал – 40 гектарданий­сса багъру.
Багъру бавриву Дагъусттаннай яла хьхьичIунмур кIану бугьлай бур Хайдакьуллал райондалул «Россия» КФХ-лул. ДукIу га хозяйствалул каялувчи ХIажимурад Рабадановлул бувну бур 15 гектарданий­сса багъру, гьашину 100 гектарданий бувгьунни 96 мурхь. Цаппара шиннардива «Россия» КФХ-лул ласлан тIий дур 3-5 азарда тонна ахъулссаннул. Ва хозяйствалул пландалий бур ахъулсса ядайсса къатригу бан.