Аьрасатнал Кьини – циняв инсантурал дянив закондалул ва тIайлашиврул, тархъаншиврул, дакьаврил ва аслахIшиврул байранни.

Ва байран национал цашиврул, билаятрал цIанасса ва ялун дучIансса чIумул аьмсса жаваблувшиврул лишанни.
1990 шинал ва кьини РСФСР-данул халкьуннал депутатътурал цалчинмур Съездрай кьамул дурссар Аьрасатнал Федерациялул паччахIлугърал суверенитетрал хIакъиравусса Декларация.
1992 шиная шиннай Аьрасатнал Федерациялул Верховный Советрал хIукмулийну дувайссар «День принятия Декларации о государственном суверенитете Российской Федерации» цIанилусса байран. 2002 шинал ва байрандалун дирзссар Аьрасатнал Кьини тIисса цIа.