Апрельданул 11-нний Аьрасатнал цалчинмур лигалул 24-мур турданул тIуркIулуву Москавлив МахIачкъалаллал «Динамо» ххув хьунни Москавуллал «Спартак» командалуяр.

ТIуркIулул 16-мур минутIраву МахIачкъалаллал футболистътал счетраву хьхьичIунну бия (2:0) «Спартакрал» футболистнал автогол бакьаврийну ва полузащитник Хуссем Мрезиглул бакIрах бавкьусса голданийну.
Жула футболистътураща бюхъантIий бия муния махъгу муттаэтал дардагъил буллан, кIилчинмур таймрай «Спартакрал» футболистътураща бювхъунни ца гол жула командалул къапулувун бакьин. ТIуркIулул ахирданий судьянал «Динамолул» къапулувун пенальти ккаккан бунни, амма муттаэтураща къабювхъунни га бакьин жула командалул къапулувун.
«Динамолул» лавсунни 27 очко ва утти 9-мур кIану бувгьунни турнирданул таблицалий.
Лажин хIадур дурссар
ХI. Аьдиловлул