Ярглийсса хъуннасса ххувшаву ларсунни Ма­хIач­къалаллал «Динамолул» ичIу­ра апрельданул 6-нний.
Ваниннин Самараллал «Крылья Советовраяр» 4:0 счетрай ххув хьуну махъ, Дагъусттаннал командалул цIунилгу ххари ­бунни цила тамашачитал.
Га кьини «Динамо» цIакьну ххув хьунни подмоскавуллал «Химки» командалуяр, мукьва ттуп муттаэтурал къапулувун бавкьуну ва ца ттуп цаламур къапулувунгу итабавкьуну.
Ва тIуркIулуву кIива гол бавкьунни ХIамид Агъаларовлул ва кIива ттуп бавкьунни Касинтурал ва Жавадлул.
Ва ххувшаву ларсун махъ «Динамо» гьаз хьунни турнирданул таблицалул 10-мур хху­ттайн.