Зумаритавал байрандалул гьантрай «Справедливая Россия – За Правду» партиялул региондалийсса отделениялул председательнал хъиривчу Марат Аьлияровлул сипталийн бувну, дуки-хIачIиялийнусса кумаг бунни хасъсса аьралий операциялий жанну дуллусса ва цIанасса ппурттуву гьуртту хъанахъисса аьралитурал кулпатирттан.
Шиккува кIицI лаган, ва партиялул гьарица шинал дуллалисса ихIсандалул давур. Партиялул чулуха дуки-хIачIиялийнусса кумаг бунни Хъусращиял шяравусса ахIвал-хIал кIюласса кулпатирттангу.
Акциялул лагрулий кумаг бунни республикалул шагьрурдай ва районнай ялапар хъанахъисса1300 кулпатран.
Партиялул вакилтурал хасъсса операциялий жанну дуллусса аьралитурал кулпатирттахь цIухху-бусу бунни цукунсса захIматшивурттащал хьунабакьлай буссарив ва хъуниминнал чулуха ци кумаг аьркинну буссарив. Партиялул чулухасса вакилтал мукунма бивунни МахIачкъалалив, Каспийскалий ялапар хъанахъисса аьралитурал кулпатирттачIангу. Вайннангу бувунни дуки-хIачIиялийнусса кумаг.
Аьралитурал кулпатирттал гьаз бувсса цинявппа масъалартту дузрайн буккан баврил ялув ацIаву дан цала бакIрайн лавсунни ДР-лул Халкьуннал Мажлисрал председательнал хъиривчу Камил Давдиевлул.
Имара Саидова
