Юсуп МахIаммадов хьунаавкьунни СПК-рдал каялувчитуращал, ххал бивгьунни райондалул агропромышленный комплекс хьхьичIунмай баврийн ва хъунил давуртту дайдишаврийн багьайсса масъалартту.

Хьунабакьаврий гьуртту хьунни райондалул Шяраваллил хозяйствалул управлениялул каялувчи Макьсуд Кьадиев, «Дагмелеотхоз» управлениялул Тальминский филиалданул ­директор Алавдин Акмурзаев, СПК-рдал каялувчитал ва шяраваллал бакIчитал.
Юсуп МахIаммадовлул кIицI лавгунни инттусса къурнил давуртту чIумуй дан багьлай бушиву. Хаснура къулагъас дунни кооперативрду аьркинсса сурсатирттал – бугьансса гьаннарал, оьргъашиврул, ччуччиялул ­дузал баврих.
СПК-рдал каялувчитурал бувсунни гьашину дан дакIнийсса давурттая ва райондалул администрациялул чулуха кумаг аьркинсса буруккинттая: аьрщарайн щин дуцаврия, ятту зунттавун бичаврия ва цайминнуя.
Зулайхат Тахакьаева