Албаниянал хъуншагьру Тираналий вай гьантрай хьусса дунияллул халкьуннал дянивсса рейтинграл турнирданий Дагъусттаннал ца лачIунукку ххув хьунни ва кIиннал ларсунни чарвитул медальлу.

Ххув хьунни Аьрасатнал цачIундур командалувух гьурттуну ивкIсса ХIажимурад Аьлихмаев (79 кило), ва финалданий ччалли увккун ивкIссар гуржиял спортсмен Владимир Грамкрелидзещал.

Чарвитул медальлу ларсунни Венгриянал цачIундур командалувух гьурттуну ивкIсса Мурад КьурамахIаммадовлул (74 кило) ва Ухссавнил Македониялухлу увккун ивкIсса АхIмад МахIаммадовлул (79 кило).
ХI. Аьдилов