Халидлул арс ХIаммаццаев АьвдурахIин
Цакуну ялун дирсса захIматсса цIуцIаврища ххассал къавхьуну, оьрмулул 63 шинаву жуятува батIул хьунни Ккуллал шяраватусса ххаллилсса чув-адамина, цIа дурксса строитель, «Севкавказстроймонтаж» тIисса фирмалул генеральный директор, цала пишалул хьхьичIунсса специалист, Халидлул арс ХIаммаццаев АьвдурахIин.
Увну ур АьвдурахIин 1962-кусса шинал Ккуллал шяраву, Халидлул ва ПатIиматлул къушлий. Буттал шяраву дянивмур даражалул школагу бувккуну, увххун ур Дагъусттаннал паччахIлугърал политехнический институтравун. Му бувккуну махъ тIайла увккун ур Омск шагьрулийн, тикку зийгу ивкIун ур «Омскагропромстройрай».
Цалла инициативалий 2005-кусса шинал ванал сакин дурну диркIссар «Севкавстроймонтаж» тIисса цIанилусса фирма, зунгу ивкIссар мунил генеральный директорну, ва чIал къархьуну ванал фирма кIункIугу хьуссар мукуннасса цаймигу предприятиярттал хьхьичIунсса ххуттайн.
Дуллалимуниву итххявхсса, оьрмулуву яхI-къирият ххишаласса АьвдурахIин мудангу кьадрулий ва кьиматрай икIайва цащала архIал зузиминналгу, дустуралгу дянив, бусравсса ия цала жяматрангу.
Цибанссар, чIун дакъана личIи хьунни жуятува дахIалай чинсса багьу-бизулул инсан.
Хъуннасса пашманшивугу кIидачIлай, дакIнийхтунусса жижара буллай буру ниттихь ПатIиматлухь, кулпатрахь Асиятлухь, арснахь Кариннухь, душнихь Камилахь, уссихь Шуаьйхь, ссурваврахь Заирахь ва Заремахь ва махъсса цинявппагу гъан-маччаминнахь.
АьвдурахIиннул рухI рахIатний дишиннав, имандалий лавгун лякъиннав, махънал оьрмурдай барачат бишиннав.
Ккуллал жямат, дустал,
гьалмахтал
Хъуннасса пашманшивугу кIидачIлай, дакIнийхтунусса жижара буллай буру жула даврил уртакь Андриана Аьбдуллаевахь, ванил аьзизсса нину
Шагьриман
дунияллия лагаврийн бувну. Цил бунагьирттал аьпа баннав, рухI хъинний дишиннав, алжаннул ххари баннав. Махъминнал оьрмурдай барачат бишиннав.
«Илчилул» редакция
Вай гьантрай дунияллия лавгунни Ккурккуллал жяматрал дянив бусравсса хъамитайпа, Ккурккуллал ва лагма-ялттусса шяраваллал оьрчIру тарбия буллай оьрму гьан бувсса ххаллилсса педагог
Аьбдуллаева Шагьриман ХIажинал душ.
Шагьриман дунияллия лагаврил хъуннасса кьурчIишиву кIидачIлай буру ванил душ Андриана Аьбдуллаевахь, махъсса гъан-маччанахь. РухI хъинний дишиннав, алжаннул ххари баннав. Махъ ливчIминнал оьрмурду лахъи баннав.
М. Илиясовал цIанийсса «Дараччи» фондрал цIания
Гульшан Хасаева
Хъуннасса кьурчIишивугу кIидачIлай, жижара буллай буру Аьбдуллаева Андрианахь, мунил нину
Шагьриман
аьпалул шаврийн бувну. Имандалий лавгун лякъиннав, рухI чаннаний, чурх бигьаний бишиннав, барачат махъ ливчIун лякъиннав.
Цинявппагу дустурал чулуха Аминат Камилова, Сабрижамал Буттаева, Бахттун Гъазиева, Мисиду Давыдова, Заза ХIасанова
Хъуннасса кьурчIишиву кIидачIлай, жижара буллай буру Ккурккуллал шяравасса Андриана Аьбдуллаевахь, ванил ххирасса нину
Шагьриман ХIажиевна
аьпалул шаврийн бувну. Имандалийсса бивкIу хьуннав, ниттил рухI чаннаний, чурх куклуний хьуннав, алжаннул ххари баннав, ванил барачат махъ ливчIун лякъиннав.
Хуршиловлул цIанийсса кIичIиравусса къатравусса, СВО-лун ка-кумаг буллалисса штабрал коллектив («Хуршиловцы»)
Жуятува батIул хьунни жяматрал дянив бусравсса инсан, ххаллилсса адамина, ЧIурттащиял шяравасса,1953-ку шинал Ашхабадрай увсса,
АхIмадлул арс Ханов Надир.
Ва дунияллия лагаврил кьурчIишиву кIидачIлай, буру ванал кулпат Шавлухълухь ва махъсса гъан-маччанахь. Вайннал кулпат Ашхабадрая бивзун махъ Москавлив яхъанай буссия, вайннанний бухху-букку чан къашайссия, ххуйсса лакку ужагъ хьуссар бувхнан, гьарца мероприятиярттай гьуртту шайссия.
Надирдун алжаннул къапурду тIивтIуну лякъиннав, махъ ливчIминнал оьрмурдай барачат бишиннав.
М. Илиясовал цIанийсса «Дараччи» фондрал ва вава фондрал Москавливмур филиалданул цIания Гульшан Хасаева
