Дагъусттаннал ХIукуматрал хIукмулийну, 2025-ку шинал Дагъусттаннай чIявусса квартирарду бусса 104-ра къатри гьануцIакул дакьин дан тIий бур.

Миннува 50 къатри — МахIачкъалалив. Дакьин дантIисса къатри дур шагьрулул ацIрагу округрай, царай – Казбековуллал райондалийсса Дубки поселокрай. КIицI лаган, дакьин дантIисса къатрал ккал районнал хIукмулийну даххана хьун бюхъайссар.
Программалувун багьсса къатри ци ирглий дакьин дулланссарив хIукму бантIиссар кIанттул властьрал органнал, къатрал ва агьамми конструкцияртту дух шаврил тагьар хIисавравун ларсун. Аьмну 2025-ку шинал къатри дакьин даврийну 14 азарунния ливчусса инсантурал ялапаршиннарал шартIру къулай хьун тIий дур. Вай давурттан 815 миллиондалийн дирсса арцу ккаккан дурну дур.
2025-ку шинал капремонтрал программалувун дагьсса къатрал адресру кIул дан бюхъантIиссар шикку: htt//dagfкr.ru.