2024-ку шинал Дагъусттаннай гьануцIакул дакьин дурну дур чIявусса квартирарду бусса 137-ра къатри. Ванийну къулай хьуну дур цимигу 1000-хъул инсантурал ялапаршиннарал шартIру.

Дагъусттаннал Капитал ремонтрал фондрал пресс-службалул бусласимунийн бувну, программа кIира ятIапрайх дарчIуну диркIссар, цIубутIуй ккаккан дурминнуцIун мугьлат бакъа дакьин дан багьлагьисса къатри ххи дан аьркинну буну.
Цалчинмур ятIапрай цIубутIуйсса сияхIрайсса 137-ра къатрава 87-ра къатри дакьин дурну дур. АцIния царайра къатраву подрядчиктурал даххана дурну дур 35 лифт, 4 лифт даххана дан тIий бур 2-мур ятIапрал лагрулий. Му бакъассагу, цIу дуккан дурну дур магъив, канализация, щинал бургъурду ва кIаланну.
Капитал ремонтрал программа щаллу дуллалиссар къатрал заллухъруннал взносирттай.
Дагъусттаннай, январь зурул 1-нния байбивхьуну, капитал ремонтрал взнос дур ца кВ.метралух 10 къуруш.
Андриана Аьбдуллаева