Ханты-Мансийскаллал автоном округрал Нефтеюганскаллал райондалий Пойковский шагьрулий хьунни лачIун буккаврил Дунияллул халкьуннал дянивсса 19-мур турнир «Кубок В. Н. Семенова».
Ваний Дагъусттаннал командалул дурххунни 11 медаль. Турнирданий гьуртту хьуну ур 20 билаятраясса сайки 200 спортсмен. Вай ччалли бувкссар 10 даражалул чурххал кIушиврий. Миннувасса 3-нниву хьхьичIунми кIанттурду бувгьуну бур Дагъусттаннал лачIунбуккултрал: Муса Мехтихановлул (57 кило), Имам ХIа­нишовлул (74 кило), Адам БахIаммадовлул (86 кило).
Арцул медальлан лайкь хьуну бур МахIаммадсаэд ХIусманов (57 кило), Умар Умаров (70 ки­ло), ХIабиб ДавудхIажиев (125 кило).
Чарвитул медальлу ларсун дур ГъазимахIаммад ХIажиевлул (70 кило), МахIаммад Дибир­хIажиевлул (74 кило), Кьасум Кьасумовлул (79 кило), Оьмар Зияуттиновлул (92 кило), Мус­ттапахIажи Малачдибировлул (97 кило).

ХI. Аьдилов