Вай гьантрай «Альтаир» тIисса гьунарду аьч бай центрданий хьунни «Праздник эколят – молодых защитников природы» тIисса щалагу Аьрасатнал фестивальданул ятIап.
Шикку ххюва хьхьичIунсса кIану бувгьунни ЦIуссалакрал райондалул оьрчIал багъирдал ва школалул тарбиялувтурал.
Фестивальданул хIасиллайн бувну, «Яла ххуймур мастер класс» тIисса, 5-6 шиннавусса оьрчIал дянив баян бувсса номинациялуву 1-мур кIану бувгьунни ЦIуссалакрал райондалийсса «Планета детства» тIисса оьрчIал багъравун заназисса Аьзиев АьбдурахIманнул. Конкурсрайн АьбдурахIман хIадур увну ур Ххадижат ХIажиметовал ва Саният Ациковал.
«Командарттал дянивсса творчествардал выступленияртту» тIисса номинациялуву 2-мур кIану бувгьунни Оьмарова Умай ХIасановнал хIадур бувсса ЦIуссалакрал райондалийсса «Ласточка» тIисса оьрчIал багърал тарбиялувтурал.
КIилчинмур кIану бувгьунни Анджела МахIаммадовал хIадур бувсса ДучIиннал 2-мур школалул дуклаки оьрчIал.
«ОьрчIал экожурналистика» тIисса номинациялуву 1-мур кIану бувгьунни Марина Сайпуттиновал хIадур бувсса ЦIуссалакрал райондалийсса «Солнышко» тIисса оьрчIал багърал тарбиялувтурал.
«Яла ххуймур экологиялул мультфильм» тIимур номинациялуву 2-мур кIану бувгьунни Оксана Исмяиловал хIадур бувсса «Солнышко» тIисса оьрчIал багърал тарбиялувтурал.
Лажин хIадур дурссар
Имара Саидовал
