Октябрьданул 1-нний Аьрасатнаву дайдирхьунни ссутилсса призыврал кампания. Жагьилтал аьралуннавун буцлан тIий бур декабрь зурул 31-ннийн бияннин.
ХIакьинусса кьини Хасавюрт шагьрулул, Хасавюртуллал ва ЦIуссалакрал районнал аьралий комиссариатрайн призывниктал букIлай бур медициналул комиссия бан.
Комиссиялул давриву гьуртту хъанай ур жяматрал мюхчаншиву дуруччаврил масъалартталсса буллалисса ЦIуссалакрал райондалул бакIчинал хъиривчу Макьсуд ХIамидов, Хасавюрт шагьрулул, Хасавюртуллал ва ЦIуссалакрал районнал аьралий комиссар Абакар Даудов.
Вай гьантрай аьралуннаву къуллугъ буллан цува хIадурну ушиву бусан военкоматрайн увкIунни ЦIуссалакрал райондалийсса ЦIуссалакрал шяравасса Сайпуттин Рашидов. Ванал нину Эльмира зий бур ЦIуссалакрал райондалул администрациялий.
Аьралуннаву къуллугъ буллан ачиннин Сайпуттин дуклай ивкIун ур МахIачкъалаллал ихтиярдал колледжраву.
Сайпуттин тIайла уккан, ххуллухъин учин дуркIун дия ванал нину, мачча-гъанми ва дустал.
Шиккува кIицI лаган, аьралуннаву къуллугъ бан буцлацисса оьрчIру, хасъсса аьралий операциялул ишру нанисса кIанттурдайн гьан къабуллалиссар. Жагьилтурал аьралуннаву къуллугъ буллалиссар ца шинайсса.
