Вай гьантрай Ккуллал райондалийсса ЧIяйннал шяраву хьусса ирглийсса батIаву дия Буттахъал кьинилун хас дурсса. Мероприятиялул сиптачи хьунни Магьирлугърал къатлул хъунмур СалихIат Алхасова.

Шикку гьуртту хьунни ЧIяйннал школалул дуклаки оьрчIру.
Райондалул «Чанна цIуку» кказитрал корреспондент Арсен Аьбдуллаевлул балжину бувсунни байрандалул тарихрая ва кIицI лавгунни мероприятие даврил мурад, ялун нанисса ник нитти-буттал хIурмат-кьимат буну тарбия баву хъанахъишиву.

– Жула буттахъул Ватан яла ххирами ва иш багьний му дуруччин хIадурну бушиву исват бунни хасъсса аьралий операциялул иширттал. МукIруну ура зуятугу зула буттахъан лайкьсса арсру ва душру хьунссар тIий. Буттахъал яхI-къирият дуруччавриву зул бияла хъунмассар», – увкунни Арсен Аьбдуллаевлул дуклаки оьрчIахь.
Вайнналгу бувккунни буттахъан хас бувсса шеърирду, увкунни балайрду.

Имара Саидовал