Октябрь зурул 18-нний Ккуллал райондалийн даврил аьрххилий бувкIунни ДР-лул кIулшивуртту дулаврил ва элмулул министр ЯхIия Бучаев ва ванал хъиривчу Аида Далгатова.
Аьрххилул лагрулий делегация хьунабавкьунни кIулшивуртту дулаврил идарарттал каялувчитуращал.
Дунни дуккаврил масъалартту ххал бигьлагьисса совещание. КIицI лавгунни хьхьичI ххуттай щаллу бан аьркинсса масъалартту ва ми дузрайн буккан бансса ххуллу-чаранну.
Райондалул школардайсса дуккаврил даража гьаз баврия бусласисса ихтилат бунни Аида Далгатовал. Ванил мукунма кIицI лавгунни, кIулшивурттал даража лавай баву мурадрай дуллалисса давурттан ка- бакьу бан хIадурну бушиву.
КIулшивуртту дулавриву хьхьичIуннайшивуртту хьун дурсса учительтуран ЯхIия Бучаевлул дуллунни министерствалул чулухасса хIурматрал грамотартту, барчаллагьрал чагъарду ва цаймигу наградартту.
Ахирданий министрнал барчаллагь увкунни кIулшивуртту дулаврил ххуллий захIмат буллалисса цинявппагу педагогтурахь.
