ЦIуссалакрал райондалийсса Гьамиящиял шяраву хъуна хьу­сса, Мирзахан Аьлиев хасъсса операциялул иширттаву къучагъшиву ккаккан даврихлу лайкь хьуну ур Аьрасатнал Обороналул министерствалул чулухасса личIи-личIисса наградарттан.

Вай гьантрай Дагъусттаннал ХIукуматрал ванан дуллунни «Дагъусттаннал халкьуннал Виричу» тIисса бюхттулсса цIа ва Мусил ЦIуку.
Ватандалийн кьини дурксса чIумал, Мирзаханнул цува хушрай лавгун, чирчуну дур СВО-лий гьуртту хьунсса контракт.
ХIакьинусса кьини Мирзаханнул ва чIявусса цаймигу жула Дагъусттаннал жагьилтурал хасъсса аьралий операциялий къучагъну талай, ккаккан буллай буссар цивппа Ватандалийн дакI тIайласса аьралитал бушиву. Аьра­лий операциялий гьуртту хъанахъисса хIаллай ванал тасттикь бунни, цува кьянкьасса низам дусса, тапшур бувсса амру биттур бан хIадурсса, унгу-унгусса хIаписар ушиву.
Мирзахан ур жула аьрщарайсса паракьатшиву дуруччаврил цIаний нигь-ццах бакъа талатисса къучагътуравасса, жагьилсса никиран эбратрансса Виричу!
Аьралий бигарду къучагъну бартбигьаврихлу, лайкь хьуну ур ПаччахIлугърал ларайсса наградарттан – А. Суворовлул ва «За отвагу» медальлан.