Октябрь зурул 10-14-нний Санкт-Петербурглив хьунни «Надежды России» тIисса Щалагу Аьрасатнал карунний бияврий бяст-ччал. Шикку гьуртту хьунни Аьрасатнал 42 региондалиясса 600-нния ливчусса спортсментал.

Соревнованияртту аьдатравун дагьну, гьашину ххюра шин хъанахъиссар. Юбилейрал шиналсса соревнованияртту сакиншинначитурал хас дурну дур Аьрасатнал Виричу Фархад Худайнатовлун. Шиккун оьвкуну бур Виричунал кулпат Галинайн.
Ва лавгунни тихун арснащал Тимурдущал.
Залдануву лархъун дур Фархадлул сурат ва чивчуну бур ванал оьрмулия, хасъсса аьралий операциялий дурсса къучагъшивурттая.
Цихьхьунма махъ буллувкун, Галинал барчаллагь увкунни мероприятиялул сакиншинначитурахь соревнованияртту цила ласнан хас дурну тIий ва цайнма микку гьуртту хьун оьвкуну тIий.

Андриана Аьбдуллаева