Вай гьантрай Дагъусттан Республикалул Халкьуннал Мажлисрал председатель Заур Аскандаров хьунаавкьунни хушрай аьрайн бувкIминнал «Каспий» батальондалул талаталтращал ва миннан дуллунни квадрокоптерду, квадроциклрду ва дяъвилул иширттал зоналий аьркинсса цамургу техника.

Хьунабакьаврий гьуртту хьунни парламентрал вице-спикер Камил Давдиев, Культуралул, жагьилтурал иширттал, спортрал ва туризмалул комитетрал председатель Мурат Пайзуллаев ва цаймигу. Парламентрал спикернал жап бунни аьралитуращал, кIул хьунни казармарттавусса миннал ялапаршиндарал тагьарданущал, барчаллагь кунни ми Ватан дуруччин рязи шаврихлу.
Заур Аскандаровлул бувсунни парламентрал аьркинсса кумаг буллантIишиву миннангу, миннал кулпатирттангу.