Дагъусттаннаясса аьралитурал цала видеообращениялуву барчаллагь увкунни «Дагестан» этномедиахолдинграл каялувчи Арсен Юсуповлухь ва кказит-журналлал хъуними редактортурахь, аьрайн гьан був­сса гуманитар кумаграхлу, хаснува квадрокоптерданухлу.
– Жун мудангу асар хъана­хъиссар зул кумаг. ДакIнийх­тунусса барчаллагь. Чара бакъа жува ххув хьунтIиссару, – увкунни СВО-лул гьурттучи Нажмуттин Кулизановлул.
Арсен Юсуповлул кIицI лавгунни захIматсса дяъвилул шартIирдай гьарицагу оборудование ххуйну дучIи лякъинтIишиву хьхьичI ххуттай бавцIусса жула ватанлувтуран.
– Архсса манзилданухгу, гьарнал хьхьичI бивхьусса бигардал личIишиврухгу къабурувгун, жула цинявннал мурад цар – ххувшаву ва жула оьрчIан чаннасса паракьатсса бучIантIимур, – увкунни ванал.

Андриана Аьбдуллаева