Олимпиадалул тIуркIурдай ххув хьусса лачIунбуккултран АхIмад Тажуттиновлун, МахIаммад Рамазановлун ва Разамбек Жамаловлун ца-цаннан 5-5 миллион къуруширттал буллунни Дагъусттаннал лачIун буккаврил федерациялул президент ва ишбажаранчи Оьмар Муртузялиевлул.

Чемпионтал хIадур бувсса тренертуран буллуна меценатътурал чулуха гьарцаннан 2-2 миллион къуруширттал. Микссара арцу дуллуна Олимпиадалий чарвитул медальлу ларсъсса Даурен Куругълиевлун ва МахIаммадхан МахIаммадовлун.
Вайннал тренертуран буллуссар гьарцаннан 1-1 миллион къуруширттал.
1 миллион буллуссар Аьрасатнал цачIундур командалувусса Дагъусттаннал лачIунбуккултран, вайннал ларсун диркIссар Олимпиадалийнсса лицензияртту, амма Олимпиадалий гьуртту хьун къавхьуссар. Мукунминнавасса ур кIийла Олимпий чемпион Аьбдурашид Сяъдуллаев.

ХIасан Аьдилов