Вай гьантрай Ххувшаврил музейраву Аьрасатнал мюхчаншиврул министрнал хъиривчу, «Защитники Отечества» фондрал хъунмур Анна Цивилева хьунабавкьунни СВО-лул Вирттаврал кулпатирттащал, щахъаннищал ва ми кулпатирттал чIарав бацIлацIисса жяматийсса ишккаккултращал.
Ва хьунабакьаврий гьуртту хьуна СВО-лийсса Аьрасатнал цалчинма Виричу НурмахIаммад ХIажимахIаммадовлул нину Сапижат Мазаевагу. Хьунабакьаврий ххал бивгьуна СВО-лул ветерантал ва жагьилтал гьурттуну дуллантIисса давуртту. «Жул давриву ца яла агьаммур ва гьанумур даву Ватандалул мурадру буручлачиминнал кулпатру буруччавур, миннал дакIниймур ласавур», – увкуна Анна Цивилевал. «Ванил гьарманах личIлулну вичIи дирхьунни, къулагъасравун ласунмур хьхьичI ххуттайн лавсунни, укунсса хьунабакьавурттай бувсса хIукмурдая СВО-лий гьуртту хьуминнал кулпатирттан кумаг хьунтIишиврийнсса вихшала цIакь хьунни дакIниву. Ва СВО-лул гьурттучитурал кулпатирттан кабакьаву мурадрайсса хъуни-хъунисса давуртту дуллалисса, вайва масъаларттаха зузисса фондирттащал дахIаву дуну зузисса каялувчи бур. Хьунабакьаврия мукьах жу «Жди меня, и я вернусь» тIисса, аьралий иширттал ветерантуран ва Кулпатрал, ччаврил ва дакI тIайлашиврул кьинилун хас дурсса мероприятиялийн лавгру Аьрасатнал ПаччахIлугърал Думалул депутат Ярослав Ниловгу ия ва мероприятиялий. Вагу СВО-лул гьурттучитурал ва миннал кулпатирттал, аьралий иширттал ветерантурал ва миннал кулпатирттал хIурмат бушиву ккаккан буллалисса даву дия», – увкуна Сапижат Мазаевал.
ПатIимат Рамазанова
