Дагъусттаннал Росгвардиялул управлениялий хьунни «Подразделениялул яла хьхьичIунма старшина» тIисса ведомствалул конкурсрал региондалул ятап.
Шикку гьуртту хьунни кIанттул управлениялул ОМОН-лул 3 кьюкьлувасса 8 инсан.
Конкурсрал лагрулий ххал бигьлай бия хасъсса подразделениярттал старшинахъал теориялул ва практикалул хIадуршиннарал даража. Росгвардиялул зузалтрал дуллуна гьарца чулухасса (огневой, военно-политический ва военно-медицинский, инженерный, специальный ва технический хIадуршиннарал, радиациялул, химиялул ва биологиялул нормативру ва аьралий устав кIулшиврул даража ккаккан буллалисса зачетру. ХIасиллайн бувну, яла хьхьичIунма старшинану язи увгьуна «Горец» ОМОН-лул зузала, полициялул хъунама прапорщик Муса Д.
Дузалшиннарал отделданул хIаписар, лейтенант Шамил Аминтазаевлул кIицI лавгуна конкурсрал мурад Росгвардиялул кIанттул органнал подразделениярттал старшинахъал кIулшивурттал хIадуршиннарал даража ххал бигьаву, опыт кIибачIаву ва аьралий къуллугърал ва зузалтрал ичIаллил шартIру къулай даву бивкIшиву.
Региондалул ятапрай ххув хьусса старшина гьуртту хьунтIиссар округрал ятапрай.
Андриана Аьбдуллаева
