Рамазан барз къуртал хъанахъисса гьантрай дайдишай хIатталлу ва лагма-ялттусса кIанттурду, марцI буккан бувну, низамрайн буцлацисса субботникру. Укунсса давурттайну исват хъанай бур жяматрачIа аьпалул хьусса инсантурал чулухунмайсса хIурмат лавайсса бушиву.

Гьарица шинал инттухуннай, Зумаритавал байрандалул гьантрай, ЦIуссалакрал райондалул агьулданул мудангу дайссар хIатталлу марцI дуллалисса субботникру.
Ва ххуллухьсса субботникрал сиптачиталну бувккуна ЦIуссалакрал, ЦIуссаккуллал, ЦIуссамихилтIиял ва Банайюртуллал шяраваллал бакIчитал. ХIатталлу лази-лакьи дуллали­сса давурттавух хIала бувххунни шяраваллал администрацияр­ттал бакIчитал, депутатътал ва райондалул идарарттал зузалт. Хасъсса техника дучIан дурну, дуркьуна шикку дартIсса ччюрк.

– Ххал бара цуксса тIааьнну бурив, жува цинявппа цачIун хьуну, хIатталлугу, лагма-ял­ттусса кIанттурдугу марцI був­ну, низамрайн бувцуну махъ. Хъунма­сса барчаллагь тIий ура давривух хIала бувхсса цинявппагу зузалтрахь. КIицI лаганна, архIал зий, субботникру дуллай жяматрал дянивсса нахIу-хIалимшиву хъиннура цIакь шайшиву, –увкуна ЦIуссалакрал шяраваллил бакIчи Сулайман Рамазановлул.­