Дагъусттаннал ЦIуллу-сагъшиву дуруччаврил министерствалул Жяматийсса советрал ирглийсса заседаниялий гьуртту хьунни
министр Жамалуттин ХIажиибрагьимовгу. Ххал бивгьунни азарханарду, хаснува онкологиялул азархана дарурттал дузал баврил масъалагу.
П. Рамазанова
Дагъусттаннал Жяматийсса палаталул член, ялув кIицI лавгсса Жяматийсса советрал председатель Илман Аьлипулатовлул медициналул даву гьаз дувансса цаппара чаранная бувсунни.
Ва Жяматийсса советрал члентал чIун-чIумуй бияйсса бур районнайсса медициналул идарарттайнгу, кIани-кIанттурдай цукунсса тагьар дурив ккаккан.
Укунсса аьрххилий Лакрал райондалул централ азарханалийн багьсса вай кIиккусса ххуйсса тагьарданул, низамрал ххари бувнав тIий бур. КIанттул агьлу бакъассагу, райондалий зузисса хIакинтурал цIарду дургьуну, хъин хъанан кIиккун бучIайсса бур цайми районная ва шагьрурдая ва хIатта республикалул кьатIатугума. Къашайшалтравух бия тIий бур Азирбижанная бувкIсса къашайшалтгума. Даруртту бия, аьркинмунил дузалну бия, марцIшиву дия, низам дия тIий бур.