Лахьхьин буллантIиссар аьраб маз

Аьрасатнал школардай аьраб маз лахьхьин буллалисса программалул дайдихьу сентябрьданул 1-нний дувантIишиву баян бунни билаятрал просвещениялул министр Сергей Кравцовлул. Вара программалул лагрулий аьраб мазрайн таржума бувантIий бусса бур оьруснал халкьуннал магьри, Аьрасатнаясса луттирду ва Аьрасатнал автортурал произведенияртту. ЦIанакул Аьрабусттаннай таржумардаха зий бусса бур.

Шардайнсса даву дакъассар утти

Аьрасатнал школардай сентябрьданул 1-нния тиннай цалчинмур классирттаву дуклакиминнахьхьун шардайнсса даву къадуллантIиссар, садикрава школалийн бувкIсса оьрчIан дуккаву кIу къадизаншиврул. 2-3 классирттаву дуклакиминнан ссят ва дачIинний дувайсса дарсру дуллалиссар шардайн. 4-5 классирттан – кIира ссятрайсса. Лавайми классирттаву шардайнсса давринсса чIун ххи дулллалиссар.

ХьхьичIунми луттирдавух

Дагъусттаннал оьрчIансса чичу, магьрибусу Наира Алидеслул луттирду Аьрасатнал хьхьичIунми луттирдал ххуттай ккавккунни, ларгсса шинал хIасиллайн бувну. Награда дулайсса дур Аьрасатнал луттирду итабакьай идарарттал Ассоциациялул ( АСКИ) конкурсрал хIасиллайн бувну. Утти Наира Алидеслул луттирду бусса бур Аьрасатнал луттирдал хъун платформалий – ЛитРесрай.

Нюжмардул мутталий 96 увччу хьусса щупир

Дагъусттаннай нюжмардул мутталий хIан хIарчIун рульданух щяивкIсса 96 щупир увгьуну ур, 14 уголовное дело сукку дурну дур вай иширттал хIакъираву. Укунсса щупиртураща бурувччуну битаннав жува Заннал.

ПатIимат Рамазанова