ЦIуссалакрал райондалий ЦIуссалакрал шяраву марцIшиву даву мурадрай «Наше село – наш дом! Сделаем его чище!» цIанилусса субботник хьунни. Шикку гьуртту хьунни шяраваллил администрациялул, Ххуллурдал ва коммунал хозяйствалул управлениялул зузалт.
Ишла дунни хасъсса техника. Субботникрал лагрулий шяравалу марцI дунни кIинттул чIумал цачIун хьусса ччюрклицIа. Мукунна дукьан дунни ххуллурдал чIарах цачIун хьусса ччюрк, марцI бунни идарарттал лагма-ялттусса ва жяматийсса кIанттурду. ДартIунни вацIлул кIанттурдайсса ччюрк.
– Шяраву, райондалий ялапар хъанахъисса гьарицагу инсаннал буржри цува усса кIану марцIну буруччин. Укунсса субботникру ччя-ччяни дуллан аьркинссар, – увкунни шяраваллил бакIчи Сулайман Рамазановлул.
Андриана Аьбдуллаева