МахIачкъалалив, Поэзиялул театрдануву, «Поэтический календарь» проектрал лагрулий хьунни Дагъусттаннал халкьуннал шаэр Юсуп Хаппалаевлул творчествалул вечер.
Ва хас дурну дия шаэрнан 110 шин шаврин. Студентътурал ва дуклаки оьрчIал хьхьичI Юсуп Хаппалаевлул оьрмулия, творчествалия бусласисса ихтилатру бунни Театрданул директор Елена Гьаруновал, Дагъусттаннал Чичултрал союзрал председатель Марина АхIмадовал, Дагъусттаннал Чичултрал союзрал лакрал секциялул хъунама Супиян Оьмаровлул, шаэрнал арс Сулайман Хаппалаевлул.
Дачин дурну ия мероприятие МахIаммад АхIмадовлул цIанийсса поэзиялул семинарданул каялувчи, шаэр Муса Мусаев.
Андриана Аьбдуллаева
