ХIурмат лавайсса дагъус_ттанлувтал! Аьзизсса Вирттал!
ДакIнийхтуну барча тIий ура зухь Ватандалул Вирттаврал Кьини.
ХIакьину жува шадлугърай барча буллай буру Совет Союзрал, Аьрасатнал Федерациялул вирттал, Славалул ордендалун ва РувхIанийсса Георгийл ордендалун лайкь хьуми.
Вай наградартту дуллуну диркIссар личIи-личIисса заманардай, амма ми ларсун диркIссар цасса хасиятрал – лахIан буван къашайсса, чувшиву ва къирият дусса виртталсса инсантурал. Миннал ккаккан бувсса гьунарду хъанахъисссар тамахIкаршиву дакъа, дакIнийхтунушиврул, Ватандалийн дакI тIайлашиврул лишаннуну.

Жунма бусравну бур му хIурматрал сияхIрайсса дагъусттанлувтал. ЛичIинува хIурматрй бур Буттал КIанттул цIанийсса Хъунмасса дяъвилул ветерантал.
Минная эбрат ласлай бур хушрай хасъсса аьралий операциялий гьуртту хъанахъисса жула аьралиталгу.
ЦIанасса къабигьасса тагьардануву ялун личлай бур цIасса вирттал. Миннан патриотизм, Ватандалун дакI тIайлашиву – укунмасса махъру бакъар. Миннал лайкьну ттинияр тихуннайгу дуллалиссар ттаттахъал ва ппухълуннал даву дакьаврил ва хъиншивурттал цIаний.

Вай гьантрай билаятрал президент В.В. Путиннул лавайсса даражалул цIа дуллунни жула ватанлунан МахIаммад Исбакиевлун.
Ванал оьрмулул кьадар – му личIинувасса чувшиврул, яхIлил, Ватан ххирашиврул тарихри. Аьпа баннав ливтIуну махъ ва цIа ларсъсса циняв Вирттаврал.
Икрам буллай буру ва дакIнийхтунусса барчаллагь хьуннав жущала яхъанахъиминнайн.
ДакIнийхтуну барча буллай ура циняв Вирттал! Зу Ватандалул пахруру!

Дагъусттан Республикалул бакIчи Сергей Меликов