Июльданул 11-нний Дагъусттаннал бакIчи Сергей Меликов хьунаавкьунни республикалийн къуллугърал аьрххилий увкIсса Аьрасатнал энергетикалул министрнал хъиривчу Евгений Грабчаклущал. Энергетикалул министрнал хъиривчунал дунни дагъусттаннал муштаритал энергиялул дузал баврин хасъсса штабрал заседание. Ваний ляличIисса къулугъас дурна кIиришиву дагьсса тагьардануву энергосистемалийн гуж багьувкун бан-битанмунил масъаларттах.

Хьунабакьаврий гьартану ххал диргьуна муштаритал электричествалул дузал баврил давуртту. Ихтилатчитурал бусаврийну, Хасавюртлив «Ярык-Су» подстанциялий зузи бувну бур цIусса трансформатор. Мунийну Хасавюртуллал райондалий циняв муштаритал дузал бувну бур элетроэнергиялул. Цаймигу чаранну ляхълай бур ттинияр шихунмайгу инсантал чани бакъа къаличIаншиврул.
Сергей Меликовлул бувсуна республикалул ялапарлувтал электричествалул дузал баврил масъалартту ххал бигьинтIий бушиву хъиривмур нюжмардий Грозналий хьунтIисса Ккавкказуллал инвестициярттал форумрайгу.
ХIадур бувссар
ХI. Аьдиловлул