Хасавюртуллал райондалийсса щинавун ларгсса Адильотар шяраваллил жяматран кумаг бан бувкIунни «Скорпион-Каспий» ОМОН-далул зузалт.
Вайннал марцI бунни кIичIиртту ва агьалинал къатри щин ялтту ларгун махъ цачIун хьусса ччюрклицIа, кумаг бунни инсантурал къатрава щин дуккан дан. Мукунма Росгвардиялул зузалтрал кабавкьунни шяраваллил жяматран бувкIсса гуманитар кумаг кьамулгу бувну, агьалинайх бачIин. Вайннал цащалагу лавсун бувкIунни хIачIайсса щин ва дукия.
– Жула республикалийх захIматсса кьини дурккунни. Укунсса тагьарданий жула буржну чIалай бур волонтертуращал, цинявппагу дакI цIуцIисса Дагъусттаннал агьулданущал зарал бивсса халкьуннал чIарав бацIаву, – тIий ур «Скорпион-Каспий» ОМОН-далул хIаписар, полициялул подполковник Султан У.
Андриана Аьбдуллаева