ЦIусса шин хьунадакьлакьисса байран кIицI ларгунни ЧIяйннал шяраваллил Магьирлугърал къ­ат­луву. Дуклаки оьр­чIру ххари-шад баву мура­драйсса байрандалул сакиншинначигу, сиптачигу хьунни Магьирлугърал къатлул хъунмур СалихIат Алха­сова. Байрандалий гьур­тту хьун оьвкуну бия ЧIя­йннал школалул дуклаки оьрчIайн.

Идаралул къатраву чIюлу бувсса елкалул лагма лавгсса оьрчIан хIадур дурну дия бахшишру.
СалихIатлул, гьарица шинал кунма, дуклаки оьрчIру ххари бансса хIарачат бунни ва ххуллухьгу.
Шиккува кIицI лаган, Сали­хI­ат Алхасовал сипталийн бувну, ЧIяйннал шяраваллил Магьирлугърал къатраву ччя-ччяни кIицI лагайссар личIи-личIисса шадлугъру ва байранну.
ЦIусса шинащал оьрчIру барча бан увкIсса «Чанна цIуку» кказитрал корреспондент Арсен Аьбдуллаевлул оьрчIащал бунни тяхъасса тIуркIурду ва конкурсру.
Байрандалий ЦIусса шинан хасъсса шеърирду бувккунни Дякъил Ттатта хьуну ивкIсса СалихI Мудуновлул ва Марххала Душнил роль дургьуну бивкIсса Амина Жамалуттиновал, АхIмад Билаловлул, Аьбдул ТIухIуевлул, Ххадижат СалихIовал, МахIаммад Ибрагьимовлул, Вали Мудуновлул, Салим ХIусайновлул, Сулайман Мамакьурбановлул.
СалихIат Алхасовал чIа увкунни оьрчIан цIуллушиву, дуккаврил чулухунмайсса гъира-шавкь ххишала шаву.
– Ххирасса оьрчIрув, зу райондалулгу, республикалулгу бучIантIимурду. Умуд бур, ххуйну дуклай, куртIсса кIулшивуртту ласунсса хIара­чат булланссару, школалул цIа-кьини бюхттул дансса инсантал букканссар зуя тIисса, – увкунни СалихIатлул.
Ахирданий рирщунни дакIний личIансса суратру.

Имара Саидова