АьФ-лул ХIукуматрал Председательнал хъиривчув Александр Новак хьунаавкьунни ДР-лул БакIчи Сергей Меликовлущал. Муний ххал бивгьунни региондалийн инвестицияртту дучIан дуллан аьркиншиврул ва мунил социал-экономикалул лябуккулуцIунсса масъалартту. Мукунма гьартасса ихтилат хьунни республикалул ТЭК-рал ва ЖКХ-лул идарарттал лябуккулул программартту биттур даврил, республикалул ва «Газпром» ПАО-лул инсантурал къатравун газ буцаврил цачIусса давурттал хIакъиравугу.
Вице-премьернал мукунма кIицI бунни аьркинну бушиву республикалий давуртту дакъашивуртту чан дуван, муштаринал ччувччусса газрахсса багьа булаврил низам лахъ дуван, электросетирдал комплексрал даву лавайсса даражалийн лахъан дуван ва инфраструктура цIу дуккан дуван.
