Вай гьантрай Хъювхъиял шяраваллил Культуралул къатлуву хьунни ниттихъул лахъа-хъун буллалисса шадлугърал мажлис.
Ва сакин бувну бия филиалданул хъунмур Рукьижат Оьмаевал. Шиккун оьвкуну бия цала давриву хьхьичIунсса, ххуйсса кулпатрал гьану бивзсса, ххаллилсса оьрчIру тарбия бувсса ниттихъайн. Рукьижат Оьмаевал бунни ниттихъая, миннал биялдарая ва каширдая бусласисса ихтилат. КIицI лавгунни оьрмулул ва захIматрал ххуллий хьхьичIуннайшивуртту дурсса, гьарица аралуву цала пишакаршиврул даража ккаккан бувсса нинухъру, барчаллагьрал махъру увкунни хIакьину хасъсса аьралий операциялий талатисса аьралитурал ниттихъахь.
Дуклаки оьрчIал дурккунни ниттихъахасса назмурду, увкунни миннан хас бувсса балайрду.
Мероприятиялул лагрулий хьунни «Аьзизсса ниттин – бахшиш» тIисса акция. Дуклаки оьрчIал бахшиш дунни ниттихъан цала дирхьусса суратру.
Андриана Аьбдуллаева
