Дагъусттаннал Росгвардиялул управлениялул «Скорпион-Каспий» ОМОН-далул базалий хьунни къуллугърал бурж бартбигьлай жанну дуллусса хасъсса подразделениялул зузалтрал ниттихъащалсса ва щахъаннищалсса хьунабакьаву.

Жанну дуллуминнал гьайкал­дануцI тIутIивгу дирхьуну, минутIрайсса пахъ багьаву дунни.
Кьюкьлул командир, полициялул полковник Александр Гортыпановлул ихтилат бунни ниттихъащал ва хъаннищал, цIухху-бусу бунни хьунадакьлакьисса захIматшивурттая, бувсунни аьркинний кумаг бантIишиву. Кьюкьлул зузалтрал чулуха вайннан арцуйнусса кумаг ­бунни.

«Жу мудан хьунабакьайссару къуллугърал бурж биттур буллай жанну дуллусса жула зузалтрал кулпатирттащал. Жул буржри вайннаха аякьа дуллан, ка-кумаг буллан. Жун дакIнийссар гьарица жула зузала, вайннал кулпатру тачIав къулагъас дакъа къаличIантIиссар», – увкунни Гортыпановлул.