Уттигъанну МахIачкъалалив, региондалул Навтлил ва газрал колледжраву Дагъусттаннал Халкьуннал Мажлисрал хъунаманал хъиривчу, «Справедливая Россия» фракциялул каялувчи Камил Давдиев, КIулшивуртту дулаврил, элмулул, культуралул, жагьилтурал иширттал, спортрал ва туризмалул комитетрал председатель Мурат Пайзуллаев, жяматийсса ишккакку Загьиди МахIмудов хьунабавкьунни преподавательтуращал ва студентътуращал.

Камил Давдиевлул ва Мурат Пайзуллаевлул бувсунни мюрщисса оьрчIру ва жагьилтал тарбия баврил масъалалул агьамшиврия. Ихтилатчитурал мукунма бувсунни Аьрасатнал политикалул цIанасса системалия, властьрал законодательный органная, чIурчIав дунни Аьрасатнал халкьуннал цашиврий.
Цала ихтилатраву Загьиди МахIмудовлул кIицI лавгунни оьрчIру тарбия бавриву нитти-буттал бияла хъунмасса бушиву, бувсунни ппу хIисаврайсса цаламур опытрая, бунни оьрчIан мюнпатсса насихIатру.
Хъирив хъамаллурал студентътурал суаллахьхьун балжисса жавабру дуллунни. Хьунабакьаву дакIний личIансса хьунни.
Укунсса мероприятиярттал чIалачIи бай гьаз хьусса масъаларттал хIакъиравусса жагьилтурал пикри-зикри, сант дагьай вайннахь властьрал органнал даврия бусан.

Андриана Аьбдуллаева