Мероприятиялул сиптачи хьунни шяраваллил администрациялул бакIчи Сулайман Рамазанов.

Ванал кIицI лавгунни шяраву мурхьру, щюллишия дугьаву агьамсса масъала бушиву, жяматрал цала лагма-ялттусса кIанттурдах аякьа дикIан аьркиншиву. Агьамми давуртту шяравусса паркраву най дия. Шикку жяматрал бувгьунни жагьилсса мурхьру, лявкъунни ми ххуйну лачIунсса чаран. Акциялул гьурттучитурал хъунтIри дирххун, чапар дишинсса муххал каркасру бунни. Му бакъассагу, гьарица мурхьирачIан капельный полив дунни ва бувгьусса мурхьирдал лагма сетка дархIунни.
Сакиншинначитурал бусласимунийн бувну, акция шяравалу ххуй дансса давурттал цалчинсса этап хъанай бур. Утти мурхьру бугьан дакIний бур ххуллул ва жяматийсса идарарттал чIарах.