Инсантуран кIулну бикIаншиврул, ттигу бусан ччай буру МахIачкъалалия АхIмад-Хан Султаннул цIанийсса аэропортрайн пассажиртал ххилаххисса автобусру занайнма бушиву. Автобусру бур ттизаманнул тIалавшиннардал дузал бувсса, 22 инсан щяикIансса кIану бусса.

Расписаниялийн бувну, автобусру занантIиссар ссят 06:00-нния 21:00-нийн бияннин.
Автобусирттал остановка дуссар Имам Шамиллул цIанийсса проспектрайсса «Этажи» тIисса Машлул центрданийн тIайлану. Вайннул маршрут наниссар Имам Шамиллул цIанийсса проспектрайх, ХIажи Булачлул цIанийсса кучалийх, Каспийск шагьрулийнсса цIусса трассалийх, аэропортрайн дияннин.
МахIачкъалалия аэропортрайнсса автобусрал багьа бур 100 къуруш.
Имара Саидова