Ххарисса ва хъинсса иширттайну дайдирхьунни ва нюжмар Лакрал райондалий – дуркIунни цIура-цIусса техника: итникьини – экскаватор, тталаткьини – кIива хъунисса КАМАЗ. Техника дуркIунни Москавлия, Лакрал райондалул бакIчи Зураб Куччаевлул дус-ихтиварная. Меценат цувагу цIа кIул хьун къаивкIунни.

– Ттулагу, райондалул агьалиналгу цIания дакIнийхтуну барчаллагьрай ура укун сахаватлувсса бахшиш цила чIумал райондалун дурсса дугърисса чувнайн. ТIабиаьтрал апатIрайну бивсса зараллая махъ, райондалул шараваллавунсса ххуллурду лап чарагьатсса тагьарданий бия, кIусса техника дакъа чара бакъая. ЦIусса экскаватор ва кIива-кIива хъунма КАМАЗ – му асар хьунсса кумагри. Каши дусса ватанлувтурайнгу оьвчаву дан ччива, район хьхьичIуннай даврил ххуллийсса иширттаву цачIунмай хьун», – увкунни Зураб Куччаевлул.

Меценатнахь барчаллагь увкунни райондалул бакIчинал хъиривчу Малик ХIусмановлул, депутатътурал собраниялул хъунама Явсупи ХIамзаевлул, депутат Тамирлан МахIаммадовлул, Хъунисриннал советрал хъунама Юсуп Рамазановлул, тренер Аслан Къажлаевлул.
ЧIяву баннав миллатрал дянив лакку билаятрал гьунттийсса бучIантIимунил ялув дакI цIуцIаву дусса, чIарав бацIан хIадурсса ватанлувтал!