«Университетские профильные смены» тIисса Федерал проектрай гьуртту хьуну бур ЦIуссалакрал райондалиясса 3 дуклаки душ. Дагъусттанная язи бувгьуну бур 19 дуклаки оьрчI, миннава 3 ЦIуссалакрал райондалул школардаясса: Нупайсат МахIаммадова ва Ххадижат МахIаммадова Гьамиящиял 2-мур школалия, Марижат Аьлилова – ЦIуссаккуллал 2-мур школалия.
Имара Саидова
Нупайсат МахIаммадовал проектрал лагрулийсса кIулшивуртту ларсун дур Химки шагьрулий Москавуллал паччахIлугърал культуралул институтраву, Марижат Аьлиловал – Ростоврайсса паччахIлугърал Донской технический университетраву ва Ххадижат МахIаммадовал – Рязаннал паччахIлугърал медициналул университетраву.
Проектрал гьурттучитурал бувккун бур Аьрасатнал тарихрая ва Аьрасатнал миллатирттал культуралиясса лекцияртту, бувну бур экскурсияртту, бивну бур музейрдавун, театрдавун ва тарихрал гьайкаллачIан.
Ва проектрал кумаграйну ххишала хьуссар билаятрал тарихрая куртIсса кIулшивуртту ласлансса сант.
